Queixo fresco láctico elaborado con leite cru de vaca mediante coagulación láctica (sen callo). Non se debe confundir: O REQUEIXO FAISE DE LEITE É UN PROBIÓTICO NATURAL, un queixo cunhas propiedades que axuda ás defensas e permite unha mellor asimilación da lactosa (non contén sal). O REQUESÓN faise de soro, non é un queixo, non ten as mesmas propiedades que o Requeixo.

É un queixo moi versátil tanto para tomar só, como para acompañar a alimentos doces ou salgados. É ideal para tomar de sobremesa porque facilita a dixestión, pódese acompañar de azucre, mel, marmeladas. Na zona norte de Galicia, utilízase tamén no almorzo nas clásicas torradas.

Vai moi ben cos peixes afumados, ensaladas, recheo de pastas, salsas, carnes. Outra forma de tomar o requeixo é engadindo toques de viño tinto e azucre, ou viño tostado do Ribeiro. Tamén na nova restauración acompáñase con toques de augardente tostada.

Refrixerado